ഇംഗ്ലണ്ടിലെ കാട്ടിലൂടെ ഒരു നടത്തം ​

വനത്തിനുള്ളിൽ കുറെ ദൂരം പിന്നിട്ടു കഴിഞ്ഞപ്പോൾ അതിമനോഹരമായ കുറ്റിക്കാടുകൾ പടർന്നു പന്തലിച്ചു നിൽക്കുന്ന മനോഹരമായ കാട്ട് ചെടികൾ നിറയെ പലനിറത്തിലുള്ള പൂക്കൾ അതിൽ നിന്നും തേൻ നുകരാനായി എത്തുന്ന വണ്ടുകളും ചെറുപക്ഷികളും മറ്റു പ്രാണികളും കണ്ണിനും മനസ്സിനും കുളിർമ തരുന്ന മനോഹരമായ കാഴ്ചകൾ ആയിരുന്നു കുറേക്കൂടി മുന്നോട്ടു പോയപ്പോൾ വളരെ വലിയ ഇടതൂർന്ന മരങ്ങൾ വളരെ കുറച്ചു മാത്രം സൂര്യപ്രകാശം ഉള്ളിലേക്ക് കടക്കുന്ന വളരെ ശാന്തമായ സ്ഥലം.

അവിടെനിന്നും വീണ്ടും മുന്നോട്ട്, രണ്ട് സൈഡിലും കുറ്റിക്കാടുകൾ നിറഞ്ഞ വഴിയിലൂടെ മുന്നോട്ടു പോയപ്പോൾ ഏറ്റവും മുന്നിൽ പോയ മനു സ്വന്തം ഭാര്യയെയും തള്ളി മറിച്ചിട്ട് ഉറക്കെ നിലവിളിച്ച് തിരികെ ഓടിവരുന്നത് കണ്ട് ഭയന്ന ഞങ്ങൾ എന്താണ് പറ്റിയത് എന്ന് ചോദിച്ചു അപ്പോൾ മനു “അയ്യോ പാമ്പ് പാമ്പ്…” അപ്പോഴേക്കും മനുവിന്റെ മകൾ അമ്മയെ പിടിച്ച് എഴുന്നേൽപ്പിച്ചു എന്നിട്ട് മനുവിനോട് പറഞ്ഞു: “അപ്പാ…. ഇത് അഡാർ എന്ന പേരുള്ള ഇംഗ്ലണ്ടിൽ കാണപ്പെടുന്ന ഒരിനം പാമ്പ് ആണ് ഇത് കടിച്ചാൽ നമുക്ക് ഒന്നും സംഭവിക്കുകയില്ല വളരെ കുറഞ്ഞ അളവിൽ മാത്രം വിഷമുള്ള പാമ്പാണ് ഇത് വളരെ കുഞ്ഞു കുട്ടികളെ ഇത് കടിച്ചാൽ ഒരുപക്ഷേ അസ്വസ്ഥത ഉണ്ടാകാം അതുകൊണ്ട് അപ്പ പേടിക്കേണ്ട ഇതിനെ ഞാൻ നോക്കിക്കൊള്ളാം അപ്പ മുന്നോട്ട് കടന്നുപോയികൊള്ളൂ..” അപ്പോഴേക്കും ആ പാമ്പ് ഒരു ദ്വാരത്തിലേക്ക് കയറി പോയി പിന്നീട് ധൈര്യമൊക്കെ സംഭരിച്ച് മനു വീണ്ടും മുന്നോട്ടു നടന്നു പിന്നീടുള്ള യാത്രയിൽ ഒരിക്കൽപോലും മുൻപിൽ പോകാതിരിക്കാൻ മനു പ്രത്യേകം ശ്രദ്ധിച്ചിരുന്നു.